Vrau 33-vjeçarin në Durrës/ Dëshmia e autorit: Pse e nxora thikën

Vrau 33-vjeçarin në Durrës/ Dëshmia e autorit: Pse e nxora thikën

12:19, 20/09/2020
A+ Aa A-

Policia në Durrës ka vënë sot në pranga Arbër Koten, i cili dyshohet që t’i ketë marrë jetën Idajet Dullës, 33-vjeç, duke e qëlluar me thikë 

ABC News ka zbardhur dëshminë e dhënë nga Kote tek autoritetet.

Mësohet se 26-vjeçari është shprehur se ka vepruar për vetëmbrojtje ndërsa ka shtuar se është penduar që ka lejuar përshkallëzimin e situatës.

Dëshmia e Arbër Kotes:

“I kërkova të më lironte rrugën sepse kishte parkuar keq, ai reagoi shumë ashpër. Më fyeu dhe më qëlloi me grushte. Për vetëmbrojtje nxora thikën dhe e qëllova pasi më goditi disa herë. Jam penduar që lejova që konflikti të përshkallëzonte, pasi duhet ta kisha toleruar. Por më fyeu dhe shau shume keq”.

Të shtunën, Arbër Kote, shofer i një autobusi fasonerie, qëlloi me thikë duke lënë të vdekur furnizuesin e një marketi, Dulla 33-vjeç, pas një sherri për zënien e rrugës.

Arbër Kote është djali i ish-drejtorit të burgut të Durrësit, Astrit Kote, i cili u arrestua në vitin 2016 me akuzën se favorizoi lirimin e Lulzim Berishës nga burgu.

© SYRI.net

Lexo edhe:

Komentet

Shto koment

Denonco