Në Shkozet, një burrë rreth 65-vjeç me biçikletë, është aksidentuar për vdekje nga një makinë. Viktima nuk është identitifikuar ende.

Policia njoftoi se ngjarja ka ndodhur sot më datë 20.09.2020, rreth orës 8:03, në lagjen nr.14, Shkozet, Durrës. Shtetasi G.M., duke drejtuar një "Benz" ka aksidentuar biçiklistin, një shtetas ende të paidentifikuar rreth 65 vjeç, i cili për pasojë ka ndërruar jetë.

Drejtuesi i mjetit është shoqëruar në ambjentet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e ngjarjes.