Kosovë - Janë arrestuar dy persona në Pejë, për ngacmim seksual dhe për dhunë në familje. Në këtë rast vjehrri kishte ngacmuar seksualisht renë, kurse djali e kishte rrahur gruan e tij.

Lajmin e ka konfirmuar prokurori i çështjes, Ersan Qavolli. “Janë arrestuar dy të dyshuar. I biri është arrestuar për dhunë në familje, ndërsa babai është arrestuar se ka ngacmuar seksualisht nusen e djalit.  Nesër pritet të mbahet seanca dëgjimore, ku pritet të caktohet edhe masa e paraburgimit”, ka thënë ai për mediat kosovare.