Detaje të reja janë zbardhur nga krimi i ndodhur në Durrës pasditen e sotme.
Arben Koti, shoferi i një furgoni që transportonte punonjësit e një kompanie ka vrarë me thikë 34-vjeçarin Idajet Dulla.
Ngjarja ka ndodhur rreth orës 15:55 minuta në zonën e Plepave në Durrës.
Ai punonte si punëtor karburanti në Durrës, ku edhe banonte.
Burime nga policia kanë bërë të ditur se Idajet Dulla ishte duke udhëtuar me makinën e tij, kur është gjendur përballë me furgonin e Arben Kotit.
Këtu ka nisur dhe sherri për parakalimin dhe më pas bllokimin e rrugës.
Mësohet se Koti e ka qëlluar direkt me thikë në zemër të riun Dulla, duke i marrë jetën. Më pas autori i krimit ka ikur me vrap, ndërsa policia është vënë në ndjekje të tij.
© SYRI.net