Gazetat e Dubait kanë vazhduar raportimet për ndalimin e një prej drejtuesve të kartelit shqiptar, i goditur nga një operacion i përbashkët i Europol.
Gazeta Khaleej Times shkruan se policia e Dubait ka arrestuar Denis Matoshin, pjesë e bandës ‘Kompania BELLO’.
Sipas saj, kjo bandë akuzohet se ka trafikuar kokainë mes Amerikës së Jugut dhe Europës me vlerë rruge 350 milionë euro.
Koloneli Saeed Al Qamzi tha se e kishin vendosur nën mbikëqyrje të ngushtë Matoshin disa ditë përpara se të vinte Njoftimi i Kuq.
‘Pasi shkëmbyem informacion me autoritetet italiane, identifikuam bosin e drogës dhe vendndodhjen e tij. Ne monitoruam lëvizjet e tij të përditshme dhe e kapën sapo morën Njoftimin e Kuq’.
Një njësi speciale policore mori përsipër operacionin.
Sipas tij, Matoshi do i dorëzohet autoritetet italiane pasi të paraqitet përpara prokurorisë së Dubait.
Matoshi njihet edhe si Eldi Dizdari. Ai është bashkëshorti i Suada Sherifit, ish-mbretëreshë e bukurisë në Shqipëri.
© SYRI.net