Zëvendësdrejtori i Policisë së Tiranës, Arsen Sinomati, ka dhënë dorëheqjen nga detyra që mbante. Dorëheqja është bërë me argumentin “arsye personale”, pa sqarime të tjera.

Arsen Sinomati u ngjit në këtë post në vitin 2017, vit kur ishte shef i Komisariatit nr.2 të Tiranës.

Emri i tij është bërë i njohur pas një incidenti me bandën e Emiljano Shullazit, kreut të grupit kriminal që sot gjendet në burg. Sinomati, sipas denoncimeve nga qytetarët, u rrah nga Shullazi pse kreu kontroll në zonën ku banonte dhe vepronte grupi i Shullazit.