Gjykata e Pogradecit ka dhënë masën e sigurisë grupin e implikuar në ngjarjen e Tushemishtit. Konkretisht, nga 40 ditë burg për secilin: Ilir Meçollin, Ardian Xhutin dhe Elvir Haxhinë.
Më 12 gusht u zhvillua operacioni i parë policor "Driloni" për kapjen e personave që tensuan të vrisnin djalin e pronarit të hotelit Voloreka në Pogradec dhe terrorizuan opushuesit duke qelluar me armë drejt hotelit gjatë natës.
Operacion i zhvilluar nga Policia e Korçës dhe forcat Renea, në bashkëpunim me Komisariatin e Pogradecit, nën drejtimin e Prokurorisë të Rrethit Gjyqësor Pogradec, ka çuar në kapjen e 7 personave që qelluan me armë mbi një hotel në Tushemisht dhe terrorizuan pushuesit.
Gjatë operacionit, në pyllin e fshatit Vërdovë, Pogradec, në një çadër që kishte ngritur enkas për t’u strehuar, Policia kapi organizatorin e këtyre ngjarjeve, Ilir Berberin, 52 vjeç, nga Pogradeci, person me precedent të theksuar kriminal, i cili mbante dhe armë zjarri pistoletë me vete. Gjithashtu arrestoi edhe 3 bashkëpunëtorët e tjerë të implikuar:
Ilir Meçolli, 29 vjeç, Ardian Xhuti, 29 vjeç, banues në Zvezdë, Maliq dhe Elvir Haxhia, 32 vjeç, banues në Pojan, Maliq, i dënuar më parë për veprën penale "Vjedhja".
© SYRI.net