Një aksident i rëndë ka ndodhur këtë pasdite në atë që njihet si rrethrrotullimi i Rrogozhinës.

Katër makina mësohet se janë përplasur me njëra-tjetrën, ndërsa nuk ka ende informacion nëse në këtë aksident ka persona të lënduar.

Njëra nga makinat është rrokullisur në rrugë, ndërsa të tjerat kanë përfunduar në anë.

Policia ka mbërritur në vendngjarje dhe po punon për zbardhjen e plotë të rrethanave të saj.