RENEA ka zhvilluar një operacion në orët e para të mëngjesit të sotëm në Qafë-Plloçe të Pogradecit për kapjen e një personi me rrezikshmëri të lartë shoqërore, Ilir Berberi, 52 vjeç, i dyshuar së fundmi edhe për sulmin me armë ndaj një hoteli në Tushemisht.
Policia e zbuloi dhe e rrethoi në pyllin e fshatit Vërdovë në Pogradec, në një tendë që kishte ngritur, me armë zjarri, pistoletë dhe fishekë me vete.
Më heret Berberi ka qënë i dënuar për vjedhje, gjobëvënie dhe armembajtje pa leje. I hetuar edhe për disa ngjarje të rënda kriminale si për vrasjen e shefit të komisariatit të Pogradecit Agron Gjyrezit.
Ilir Berberi, në bashkëpunim me shtetas të tjerë 52-vjeçari ka kanosur pronarin e hotelit për të mos dëshmuar në një seancë gjyqësore, si edhe kanë kundërshtuar punonjësit e policisë dhe IEVP gjatë kryerjes së detyrës.
Gjithashtu ai dyshohet të ketë rolin e organizatorit të ngjarjeve të ndodhura pranë hotelit, ku në bashkëpunim me tre personat e mësipërm dhe disa të tjerë, kanë kanosur me armë zjarri shtetasin J. M., si edhe kanë qëlluar me armë zjarri në drejtim të hotelit, duke i shkaktuar dëme materiale godinës dhe 7 mjeteve të parkuara.
© SYRI.net