Zvicër - Alice F. 76 vjeçe e paralajmëroi disa herë vrasjen e vogëlushit kosovar Iliaz, 7 vjeç. Sot ajo është në gjyq në Bazel. Deri më tani, nuk ka mbetur asnjë gjurmë keqardhjeje dhe vazhdon të ndihet si viktimë e autoriteteve që ishin nxitur për të vepruar ndaj saj,  shkruan sot gazeta Blick. 

 Më 21 mars të vitit 2019, kur fëmija po kthehej nga shkolla, ajo e vrau me thikë në fyt fëmijën dhe e la në rrugë.

Tashmë palët në gjyq dhe ekspertët debatojnë nëse e moshuara vrasëse është e çmendur.

Avokati i prindërve të Ilias shtron një pyetje: Duke parë kërcënimet specifike me vdekje në letrat e Alice F. avokati i prindërve të viktimës dëshiron të dijë nga eksperti nëse dikush duhet të kishte ndërmarrë veprime përpara krimit.

Eksperti psikiatrik që e vizitoi të moshuarën F. tre herë në paraburgim tha se e akuzuara foli vetëm një herë dhe se nuk ka dashur të japë asnjë informacion dy herë.

Trajtimi i çrregullimeve delirante është jashtëzakonisht i vështirë. Gjithashtu për shkak se të prekurit nuk e shohin sëmundjen e tyre, kështu po sillet tashmë edhe e akuzuara. Trajtimi i detyruar me ilaçe është rrallë i suksesshëm. Mundësia që një terapi të jetë e suksesshme është e ulët.

Alice F. e kishte thikën me vete çdo ditë

"Unë nuk kërkoj falje nga prindërit e mi sepse nuk ka asnjë justifikim për këtë. Unë nuk kërkoj falje nga këta njerëz. Por mund të them që më vjen keq,” thotë ajo.

Prindërit qajnë kur e dëgjojnë. 

Pastaj F. flet sërish.  Sipas saj, ata vetëm kërkojnë të mbahet në paraburgim, në mënyrë që autoritetet të mund të mbulojnë gabimet e tyre. Por ajo nuk e planifikoi veprimin e saj, pohoni e pandehura edhe pse e kishte thikën me vete çdo ditë.

Nëna e Ilias vuri kokën mbi tryezë dhe qau me hidhërim gjatë seancës.