Si u ekzekutua Emiljano Ramazani nga vrasës me pagesë

Si u ekzekutua Emiljano Ramazani nga vrasës me pagesë

16:24, 08/08/2020

Emiljano Ramazani është ndjekur edhe më pas është ekzekutuar sipas një skeme të mirëmenduar nga vrasës me pagesë.

Sipas policisë, Xhuljano Hoxha dhe Euglen Halili, dy personat e arrestuar ditën e sotme, janë të përfshirë në vrasjen e Rrahmanit, duke ndjekur dhe  studiuar lëvizjet e viktimës, i cili u ekzekutua pasditen e 20 korrikut nga persona ende të paidentifikuar.

“Nga hetimet intensive ka rezultuar se këta dy shtetas janë të përfshirë edhe në vrasjen e shtetasit E. R., ndodhur më datë 20 korrik 2020 në qytetin e Elbasanit, pasi nga provat e grumbulluara rezulton se të dy këta shtetas kanë ndjekur dhe kontrolluar lëvizjet e viktimës.

Po nga hetimet rezulton se këta shtetas, këto ngjarje i kanë kryer kundrejt pagesës nga persona të tjerë, për të cilët vijon puna intensive për dokumentimin me prova ligjore, kapjen dhe arrestimin e tyre.

Vijon puna intensive, nën drejtimin e Prokurorisë së Rrethit Gjyqësor Elbasan, për sqarimin e mëtejshëm, si dhe për kapjen e arrestimin e personave të tjerë të implikuar në këto ngjarje.

Materialet i kaluan Prokurorisë së Rrethit Gjyqësor Elbasan, për veprën penale “Vrasja me paramendim” e kryer në bashkëpunim”, njofton policia.

Për vrasjen e Ramazanit janë arrestuar më herët Albert e Seit Manahasa, babë e bir, pronarë të servisit ku u gjet arma me të cilën e ekzekutua Ramazani.

© SYRI.net

Lexo edhe:

Komentet

Shto koment

Denonco