Po ziheshin me fqinjin, policia ndërhyn për t’i ndarë, vëllezërit në Himarë u kthehen policëve

Po ziheshin me fqinjin, policia ndërhyn për t’i ndarë, vëllezërit në Himarë u kthehen policëve

14:53, 08/08/2020

Dy vëllezët janë konfliktuar me fqinjin e tyre në fshatin Vranisht, Himarë, dhe për t’i ndarë ka ndërhyrë policia. Më pas vëllezërit kanë goditur fizikisht dhe me sende të forta duke u shkaktuar dëmtime 3 punonjësve të policisë.

Ndërkohë policia ka vënë në pranga njërin prej tyre dhe ka shpallur në kërkim tjetrin.

Njoftimi i plotë:

Kundërshtuan me dhunë punonjësit e policisë të cilët ndërhynë për të parandaluar përshkallëzimin e një konflikti, Policia ka vënë në pranga një shtetas dhe ka shpallur në kërkim një tjetër.

Specialistët e Hetimit të Krimit në Komisariatin e Policisë Himarë kanë bërë arrestimin në flagrancë të shtetasit M. V., 49 vjeç  banues në fshatin Vranisht, si dhe kanë shpallur në kërkim vëllain e tij, shtetasin I. V., 44 vjeç.

Në fshatin Vranisht, Himarë, shtetasi M.V në bashkëpunim me vëllain e tij I.V kanë goditur fizikisht dhe me sende të forta duke u shkaktuar dëmtime 3 punonjësve të policisë së rendit publik, pasi këta të fundit shkuan për të parandaluar përshkallëzimin e një konflikti midis vëllezërve dhe fqinjit të tyre.

Materialet procedurale u referuan në Prokurorinë e Vlorës, për veprime të mëtejshme, për veprën penale “Kundërshtimi i punonjësit të policisë së rendit publik”, kryer në bashkëpunim.

 

© SYRI.net

Lexo edhe:

Komentet

Shto koment

Denonco