Edhe gazetarja e njohur e kronikës Anila Hoxha ka kujtuar sot përvjetorin e vrasjes së katër dëshmorëve të policisë Altin Dizdari, Fatos Xhani, Kastriot Feskaj dhe Samir Duçkollari, të vrarë nga Dritan Dajti më 7 gusht 2009 pranë plazhit Iliria në Durrës.
Por sipas gazetares, të gjithë, përveç datës kur ata u vranë duhet të kujtojnë edhe datat kur ata u rivranë dhe do të rivriten në vazhdim, duke çuar autorin Dajti drejt lirimit.
Nëpërmjet fakteve Anila Hoxha tregon një skemë të mirë-organizuar brenda organeve të Vettingut ku të gjithë gjyqtarët dhe prokurorët e çështjes Dajti të cilët kanë këmbëngulur për dënimin përjetë janë goditur dhe larguar nga sistemi.
Fuat Vjerdha gjyqtari i Apelit që votoi kundër zbritjes së dënimit të përjetshëm për Dritan Dajtin. U shkarkua!
Lindita Hoxha, gjithashtu kundër uljes së dënimit të përjetshëm . U shkarkua!
Prokurori Artan Bajrami përpara se të bënte rekursin në gjykatën e lartë për vendimin ndaj Dajtit, për çështje orësh u shkarkua dhe ai
Tani ka fjalë juristësh që parashikojnë : gjykata e lartë me kleçkën se dosja duhej rekursuar nga prokurori i çështjes ( Bajrami) dhe jo prokuror zëvendësues do vendosë rrezimin e rekursit.
Ne rast se kjo ndodh, Dajtit i mbeten në fuqi 25 vjet , dhe me kohën e para-burgosjes llogaritet që vjeshtën e 2021, të kthehet në shtëpi. Edhe pse mbase ndonjëri nga ju priste të kishte qenë në listën e regjimit 41 bis!
Ndaj veç të sotmes , si datë vrasjeje të dëshmorëve Altin Dizdari, Fatos Xhani, Kastriot Feskaj dhe Samir Duçkollari, kujtoni edhe datat kur ata u rivranë dhe kur do rivriten në vazhdim.
© SYRI.net
Po mirë ta zemë se u lirua krimineli Dritan Dajti që vrau 4 Policë. Po pse si kujton ai "qen bir qeni" se do ta gëzojë lirinë? Sa si punë e tij po vriten për ditë, se kanë hyrë në hasmëri për vrasje ?....
C'mendon ambasadorja KIM per ecurine e ketij procesi gjyqesor ? A eshte e kenaqur me reformen ne drjetesi ? Sistemi gjyqesor mos te beje te fortin me "zogun e tredhur" te Tiranes, por me kete kriminel qe vrau kater punonjes policie ne krye te detyres. A ia vlen ta quash reforme ne drejtesi kur nga kjo perfitojne shume nga kriminelet e denuar me burgim te perjetshem ose ata krininele qe me kercenime e shtyjne procesin gjyqesor vit pas viti. A do te ndodhte ne SHBA qe vrasesi i kater punonjesve te policise ne krye te detyres ta shmangte denimin e tij me te tilla marifete ? Minimumi do te merte kater denime te perjetshme.