Një banesë 2-katëshe është përfshirë nga flakët mëngjesin e sotëm rreth orës 9.00 në qendër të qytetit të Peshkopisë.

Zjarri ka rënë fillimisht në katin e parë të banesës dhe më pas është përhapur në të gjithë godinën.

Sikundër mësohet zjarri ka ardhur për shkak të shpërthimit të një bombole gaze brenda në banesë.

Fqinjët kanë bërë të mundur nxjerrjen menjëherë jashtë të 5 pjesëtarëve të familjes Deshati.

Në këtë përpjekje me flakët, vetëm një anëtar i familjes Deshati u lëndua lehtë.