Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

HARTA/ Virusi jashtë kontrollit: Rekordi i zi me 93 raste brenda 24 orësh

HARTA/ Virusi jashtë kontrollit: Rekordi i zi me 93 raste brenda 24 orësh

10:52, 11/07/2020
A+ Aa A-

Rekord rastesh nga COVID-19 në Shqipëri. Ministria e Shëndetësisë ka raportuar sot se gjatë 24 orëve të fundit janë kryer 420 testime për të dyshuar të prekur me COVID-19, nga të cilat janë konfirmuar 93 raste pozitive. Ndërkohë, 4 qytetarë nga Durrësi, Tirana, Elbasani dhe Shkodra nuk kanë mundur të mbijetojnë.

DEKLARATA E PLOTE
Genta Qirjako
Instituti i Shëndetit Publik

Ministria e Shëndetësisë dhe Mbrojtjes Sociale i drejtohet të gjithë qytetarëve dhe bizneseve të jenë të kujdesshëm në zbatimin e protokolleve të sigurisë. 
Respektimi i distancës, vendosja e maskës, higjiena vetjake dhe kolektive janë mënyrat e vetme për të frenuar përhapjen e Covid-19.

Në 24 orët e fundit, nuk e kanë fituar dot betejën me sëmundjen 4 qytetarë: një 68-vjeçar nga Durrësi, një 65-vjeçar nga Tirana, një 63-vjeçar nga Elbasani dhe një 71-vjeçare nga Shkodra, me disa sëmundje bashkëshoqëruese, në gjendje të rënduar si pasoje e Covid-19. Ministria e Shëndetësisë dhe Mbrojtjes Sociale u shpreh ngushëllimet familjarëve.

Situata në Spitalin Infektiv vijon të paraqitet serioze, me pacientë që trajtohen në terapi intensive, por edhe pacientë të intubuar, një pjesë e tyre mosha të reja. Aktualisht janë të shtruar 72 pacientë në spital, 8 pacientë janë në terapi intensive në gjendje serioze dhe 4 prej tyre janë të intubuar në gjendje të rëndë.

Gjatë 24 orëve të fundit janë kryer 420 testime për të dyshuar të prekur me Covid-19, nga të cilat janë konfirmuar 93 raste pozitive.

Shpërndarja gjeografike e rasteve është si vijon: 62 raste në Tiranë, 6 në Shkodër, 4 në Gjirokastër, nga 3 raste në Durrës, Pukë, nga 2 raste në Korçë, Mirditë, Tropojë, Malësi e Madhe, dhe nga 1 rast në Krujë, Fier, Lezhë, Kavajë, Rrogozhinë, Berat, Tepelenë.

Në 24 orët e fundit janë shëruar 6 qytetarë, duke e çuar në 1881 numrin e të shëruarve që nga fillimi i epidemisë.

Në vendin tonë aktualisht janë 1401 persona aktivë me Covid-19, kryesisht në Tiranë, Shkodër, Krujë, Durrës.

Ministria e Shëndetësisë dhe Mbrojtjes Sociale ju rikujton të gjithë qytetarëve të konfirmuar pozitivë që janë në kushte shtëpie, të respektojnë detyrimin ligjor për të qëndruar të izoluar, për të mos rrezikuar shëndetin e të tjerëve. Nëse dyshoni se jeni i prekur ose keni shenja të sëmundjes duhet të qëndroni të izoluar dhe telefononi në numrin e Urgjencës Kombëtare 127. Ministria e Shëndetësisë ka vënë në dispozicion të qytetarëve linjën e gjelbër 0800 40 40 për këshillim psikologjik apo çdo informacion për Covid19

COVID-19 – Statistika (11 korrik 2020)
Testime totale 31933
Raste pozitive 3371
Raste të shëruara 1881
Raste aktive 1401
Humbje jete 89 (Qarku Tiranë 47, Durrës 14, Fier 5, Vlorë 2, Shkodër 14, Kukës 1, Elbasan 4, Lezhë 1, Berat 1)

Shpërndarja gjeografike e rasteve aktive sipas qarqeve:
Tiranë 591
Durrës 229
Shkodër 178
Vlorë 120
Lezhë 68
Fier 42
Kukës 41
Korçë 34
Elbasan 33
Berat 25
Gjirokastër 22
Dibër 18
 

© SYRI.net

Lexo edhe:

Komentet

Shqiptari11/07/2020 11:55

CFARE I KENI KETO GOMARLLEQE?????!!! PO PSE I SHKRUANI TE VDEKUR NGA COVID-19????!!!! O SHPELLARE!!! O PLEHRA!!!! PO TE MOS ISHTE SHPIKUR KY COVID-19, A DO TE VDISTE NJERI NE SHQIPERI QE NGA SHKURTI E DERI TANI????? NJEREZIT PO SEMUREN NE QSUT DHE MINISTRJA E SHENDETESISE BASHKE ME ATO BAXHELLAT E KESHILLIT TEKNIK KUNDER COVID-19, NUK ESHTE ARRESTUAR AKOMA!!!! DUHET TE ARRESTOHEN PER KRIM KUNDER NJEREZIMIT!!! PER PAAFTESI DHE VJEDHJE TE PARAVE DHE VRASJE!!!!

Shto koment

Denonco