Ministria e Shëndetësisë njoftoi për 67 raste të reja me koronavirus në 24 orët e fundit, ndërkohë që janë shënuar dy viktima.
Njoftimi i plotë i Ministrisë së Shëndetësisë:
Ministria e Shëndetësisë dhe Mbrojtjes Sociale i drejtohet me një thirrje secilit prej jush: tregoni kujdes me respektimin e rregullave. Përdoreni maskën kudo në ambientet e mbyllura, kur hyni në supermarket, në dyqane, në zyrë dhe në çdo ambient publik ku nuk mund të ruani distancën.
Ju informojmë për situatën epidemiologjike në vend ku vijon të ketë shtrime të reja në Spitalin Infektiv.
Aktualisht po trajtohen 88 pacientë, 8 prej tyre janë në terapi intensive, ndërsa 1 është i intubuar.
Fatkeqësisht 2 qytetarë kanë humbur betejën me Covid19 gjatë 24 orëve të fundit. Një 67-vjeçare dhe një 73-vjeçare, të dyja nga Tirana me disa sëmundje bashkëshoqëruese, kanë humbur jetën në spitalin infektiv, pavarësisht përpjekjeve të stafit mjekësor. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerave.
Gjatë 24 orëve të fundit janë kryer 376 testime për të dyshuar të prekur me Covid-19, nga të cilat janë konfirmuar 67 raste pozitive.
Shpërndarja gjeografike e rasteve është si vijon: 34 raste në Tiranë, 9 në Shkodër, 6 në Kavajë, 4 në Elbasan, nga 3 raste në Kurbin, Korçë, nga 2 raste në Kukës, Krujë, nga 1 rast në Fier, Lezhë, Lushnje, Kamëz.
Në 24 orët e fundit janë shëruar 45 qytetarë, duke e çuar në 1637 numrin e të shëruarve që nga fillimi i epidemisë.
Në vendin tonë aktualisht janë 1108 persona aktivë me Covid-19, kryesisht në Tiranë, Shkodër, Durrës.
Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore.
Kur është e mundur të lejojnë punonjësit të punojnë nga shtëpia për të minimizuar kontaktin mes tyre dhe përhapjen e infeksionit.
Ministria e Shëndetësisë dhe Mbrojtjes Sociale apelon për qytetarët që të jenë të kujdesshëm në zbatimin e masave të vendosura.
Ruani distancën fizike, lani shpesh duart, përdorni maska ose barriera mbrojtëse në ambiente publike apo kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni.
Virusi është ende mes nesh, dhe ne mund ta mposhtim atë vetëm nëse ndryshojmë sjelljen tonë të përditshme duke respektuar rregullat e vendosura. Suksesi do të varet nga sjellja individuale e çdo qytetari.
Në rast se dyshoni se jeni i prekur nga Covid19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.
Telefononi në linjën e gjelbër 0800 40 40 për këshillim psikologjik apo çdo informacion për Covid19.
COVID-19 – Statistika (4 korrik 2020)
Testime totale 28409
Raste pozitive 2819
Raste të shëruara 1637
Raste aktive 1108
Humbje jete 74 (Qarku Tiranë 41, Durrës 12, Fier 5, Vlorë 2, Shkodër 11, Kukës 1, Elbasan 2)
Shpërndarja gjeografike e rasteve aktive sipas qarqeve:
Tiranë 428
Durrës 199
Shkodër 164
Vlorë 115
Fier 46
Lezhë 59
Korçë 35
Kukës 20
Elbasan 16
Gjirokastër 10
Berat 8
Dibër 8
© SYRI.net
Hetimet ndaj Gëzim Çelës, Apeli i GJKKO lë në fuqi sekuestron për pronën e ...
Për dy targa gjermane, gjykata dënon maksimum me 5 vjet burg Nikoll Shërnikun, 2 vjet kërkoi prokurori
Akuzohet për ngacmime seksuale, pezullohet profesori i Universitetit të PrishtinësËshtë mirë që prej ca kohësh, statistikat për pandeminë jepen mbi baza qarqesh, ashtu siç është vepruar në të gjitha shtetet e tjera europiane.. Por a nuk do të ishte më mirë që këto statistika të përfshinin edhe numurin e testimeve për çdo qark. Vërtet që është e kuptueshme që pandemia të përhapet më shumë në qytete me popullsi të dendur, meqë ky virua ka aftësi të mëdha të shpërndarjes infektive. Por nëse në këto qytete apo zona me popullsi të madhe e të dëndur, ishte e pamundur që në mungesë të testeve, të testohej 20% e popullsisë, në zona me popullsi më të paktë mud të realizohej edhe testimi 100%, Aq sa banorë kanë dy lagje të Tiranës, ka edhe i gjithë qarku i Gjirokatrës, që deri para dy javësh quhej "zonë e gjelbër", pa asnjë rast infektimi. Në mos e gjithë qarku i Gjirokastrës, mund të ishte bërë testimi i plotë i disa bashkive të këtij qarku, nga i cili veç emigracionit të madh në Greqi, ka emigracion edhe në vendet e tjera perëndimore. Ky testim do të shërbente për ti ruajtur këto "zona të gjelbëra" e njëkohësisht si një test për të parë se ku është përhapur e për çfarë arsye më shumë pandemia.. U mashtrua opinioni publik me gënjeshtrën se ne i kemi marë të gjitha masat, kur dukej kjartë se në Sjqipëri nuk bëheshin testime ngaqë nuk kishte teste E njejta histori edhe me mjetet mbrojtëse apo të sanimit të pasojave të tërmetit, kur duhet të prisnim të na vinin qen të stërvitur nga Kosova, për të nxjerrë nga gërmadhat banorët e shtëpive të shëmbura. Shpërthimi i epidemisë nuk ishte si një goditje e pa parashikuar si tërmeti, ndonëse edhe fakti që Shqipëria është një vend i rrezikuar sizmik, ishte i njohur nga qeveria.. Por kryeministri shqiptar, në vemd të merte masat për rrezikun e ardhjes në Shqipëri të pandemisë që kishte shpërthyer që në dhjetor në Kinë e në shkurt në Itali, bënte kllounada duke u shitur si shpëtimtar i kombit për tërmetin.
Denonco
Merrni lajmet më të fundit nga SYRI.net në çdo moment dhe kudo që të jeni!
