Prokuroria e Tiranës ka vendosur mosfillimin e procedimit penal për ish-gjyqtarin e Apelit Durrës Arjan Balliu, i cili u kallëzua nga avokati Fran Dashi. Balliu është shkarkuar nga detyra nga KPK dhe pret vendimin nga KPA.

Sipas prokurorisë, faktet e kallëzuara nga Dashi nuk përbëjnë vepër penale. Vendimi është marrë nga prokurorja Marjola Mërtiri.

Fran Dashi kallëzoi një numër të lartë gjyqtarësh dhe prokurorësh të shkarkuar nga vettingu, një pjesë e të cilëve po verifikohen nga SPAK.