Zjarrfikësi që mbeti i plagosur, teksa po shuante zjarrin që kishte përfshirë makinën e dyshuar të atentatorëve të Ardian Çapjas, paraditen e sotme në Elbasan, reagon për herë të parë nga shtrati i spitalit, ku po mjekohet.
Për fat në gjendje të mirë shëndetësore, me këmbën e djathtë të lënduar, Dashamir Muhaxhiri, 38 vjeç, thotë se nuk e kuptoi fillimisht se çfarë ndodhi.
“Ndodhi një shpërthim fillimisht, por nuk e ndjeva, thashë se shpërtheu ndonjë gome a diçka tjetër, pasi u fik zjarri, pashë që këmbën e kisha të dëmtuar”
Çfarë mund të ketë pasur?
Aty shpërtheu një predhë a diçka, nuk e di fort mirë
Në derën e pasme të automjetit kishte një vrime? Mund të jetë plumbi?
Ai ishte
Ka pasur armë brenda makinës?
Po, ka pasur
Kishte snajper?
Nuk e di saktësisht
Po zjarri ç’pjesë të makinës kishte përfshirë në fillim?
Zjarri e kishte përfshirë komplet mjetin
Patët frikë?
Nuk pata se kam disa vite që operoj në zjarrfikëse dhe nuk më ka bërë shumë përshtypje kjo plasja që ndodhi, kujtova se ishte normale, si gomë.
Te cila këmbë jeni dëmtuar?
Te këmba e djathtë
© SYRI.net