Policia italiane në Brescia ka shkatërruar një bandë që ishte aktive në fushën e prostitucionit.
Në prangat e policisë janë vënë 9 persona, ndërsa 5 të tjerë janë shpallur në kërkim.
Sipas mediave përtej Adriatikut, është arrestuar kreu i kësaj bande shqiptarja Liljana Shoshari, 35 vjeçe, banuese në komunë Rezzato në provincën e Brescias, shoferi i saj 61-vjeçari italian me origjinë kalabreze Ludovico Raffa, shqiptari 27-vjeçar Emiljano Osmani me detyrën e kontrollit të vajzave prostituta në rrugë e shtetasja rumune Ionica Paun.
Ata akuzohen për trafik e shfrytëzim prostitucioni, grabitje e trafik lëndësh narkotike.
Hetimet e këtij operacioni i koduar "Telepass" kanë nisur katër vite më parë e kanë zbardhur aktivitetit kriminal të kësaj bande që shfrytëzonte vajza të ardhura kryesisht nga Evropa Lindore.
© SYRI.net