Një aksident me pasojë vdekjen u shënua ditën e sotme në aksin Levan-Tepelenë. Burimet e SYRI TV thonë se aksidenti ndodhi në Kafaraj.

Një makinë përplasi një motoçikletë. Si pasojë humbi jetën drejtuesi i motoçikletës, Adriatik Hamataj, 55 vjeç. Ky i fundit udhëtonte vetëm.

Fier- Informacion paraprak

Sot rreth orës 15:00, në aksin rrugor Levan-Tepelenë, në afërsi të fshatit Kafaraj, shtetasi Sh. Dh., 36 vjeç, banues në Sarandë, duke drejtuar mjetin tip "Golf" është përplasur me motoçikletën që drejtohej nga shtetasi A.H., 55 vjeç, banues në Frakull.

Si pasojë e përplasjes ka ndërruar jetë drejtuesi i motoçikletës shtetasi A.H.

Është shoqëruar në Komisariatin e Policisë Fier drejtuesi i mjetit shtetasi Sh.Dh dhe po kryhen veprimet proceduriale.

Grupi hetimor ndodhet në vendngjarje dhe po punon për zbardhjen e plotë të rrethanave të saj.