Policia e Korçës ka arrestuar dy kontrabandistë, njeri nga Maliqi që tregtonte pesticide dhe tjetri nga Korça, që tregtonte cigare. Të dy u zbuluan gjatë kontrolleve në rrugë.
I pari që u arrestua qe A.Xh, 34 vjeç, banues në fshatin Zvezdë të Maliqit. Policia, afër kryqëzimit të fshatit Plasë, kontrolloi makinën e tij dhe aty gjeti një sasi pesticidesh me etiketa në gjuhë të huaja, për të cilat u dyshua se ishin futur kontrabandë. Po ashtu, në shtëpinë e të arrestuarit gjeti një sasi tjetër pesticidesh që e sekuestroi.
Policia mësoi se këtë mall, A.Xh ia kishte marrë një pogradecari 51 vjeç me iniciale A. B, ndaj të cilit nisi vetëm procedimin penal.
Policia e Korçës zbuloi, gjatë kontrollit të një makine tjetër, një sasi paketa cigaresh të markave të ndryshme, edhe këto të future kontrabandë në Shqipëri. Menjëherë u arrestua shoferi A. Sh., 55 vjeç, banor i Korçës.
Në të dyja rastet dosjet iu kaluan Prokurorisë pranë Gjykatës së Shkallës së Parë Korçë për veprime të mëtejshme.
© SYRI.net