Polumbarët e RENEA-s po zhvillojnë një operacion në Mat, për të gjetur një pistoletë të hedhur brenda një rezervuari nga 25-vjeçari S.K, banor i fshatit Komsi.
S.K. kishte shtënë me pistoletë në drejtim të portës së bashkëfshatarit të vet L.N. për motive të dobëta dhe pasi kishte ikur, e kishte flakur armën në ujë.
Policia ka arritur ta identifikojë me shpejtësi dhe ta arrestojë 25-vjeçarin.
Gjatë kontrollit të shtëpisë së tij, është gjetur një arkë plot me fishekë:r 320 copë dhe një granatë.
Polumbarët e RENEA-s do të vijojnë kontrollin në rezervuar, me qëllim gjetjen e armës.
Materialet procedurale i kaluan Prokurorisë Pranë Gjykatës së Rrethit Gjyqësor Mat, për veprime të mëtejshme, për veprat penale "Armëmbajtja pa leje" dhe "Shkatërrimi i pronës", "Prishje e qetesisë publike"./ar.sh/SYRI.NET
© SYRI.net