Vajza minorene tentohet të rrëmbehet në sy të nënës, ja çfarë thotë dëshmitari që e shpëtoi

Vajza minorene tentohet të rrëmbehet në sy të nënës, ja çfarë thotë dëshmitari që e shpëtoi

16:16, 23/05/2020

Një ngjarje e pazakontë ka ndodhur mbrëmjen e kaluar në Korçë, ku një fëmijë, vajzë është tentuar të rrëmbehet ndërsa ishte me nënën e saj. Kanë qenë banorë të zonës që kanë arritur ta shpëtojnë.

Xhoniel Qelemeni, banor i kësaj lagjeje ka treguar edhe momentin flagrant se si arriti të shpëtojë vajzën nga duart e rrëmbyesit. Ai thotë se e ka ndjekur me vrap autorin deri sa ka marrë vajzën dhe se ajo ishte e trembur.

“Ishte nëna dhe vajza kaluan këtu në rrugë. Unë isha me dy shokë, po rrija tek bordurat, pashë një tip që kaloi këtu, vajti të rrëmbente çupën. I thirrëm ne dhe ai u tremb, ne e ndoqëm me vrap, ngjarja ka ndodhur rreth orës 09:20. Djalin nuk e njihja, e ndoqa me vrap derisa u lodh, më ndihmuan edhe shokët, e kapëm.

Në ato momente ka ndaluar policia. Nëna po thërriste, u tremb, u tromaks. Në ato momente vajza ishte e trembur. Në këtë lagje nuk kishte ndodhur më parë kjo gjë”, tha i riu. Ngjarja ndodhi mbrëmjen e së premtes në lagjen 17 të qytetit të Korçës.

 

 

© SYRI.net

Lexo edhe:

Komentet

Martin 23/05/2020 16:47

Bashkia Korce duhet patjeter t'i jape nje stimul djalit qe e shpetoi vajzen nga rembimi. Shembull i mire edhe per te tjeret.

Shto koment

Denonco