Policia publikon pamjet e aksionit për kapjen e autorëve të vrasjes së dy vëllezërve Haxhia në Durrës.

Në video shihet momenti kur policët nxjerrin nga një kanal tre kallashnikovë, të cilët janë hedhur nga autorët pas krimit makabër, që tronditi vendin pak ditë më parë.

Ndërkohë, mësohet se tek armët janë gjetur gjurmë të gishtave të autorëve. 

Autorët janë Altin Ndoci 33 vjeç, banues në Tiranë, i dënuar më parë për trafik droge dhe K. A. 22 vjeç, banues në Durrës.

Sipas Policisë së Shtetit, këta dy persona ekzekutuan me armë zjarri vëllezërit Besmir dhe Viktor Haxhia në 27 prill dhe Dorjan Shkoza dhe Anxhelo Avdia në datë 2 mars.