Virusi është futur frikshëm në fasoneritë e Shqipërisë.
Ditën e sotme u pranua zyrtarisht se janë tri raste të reja në Krujë, të cilat vijnë nga një fasoneri.
Por denoncimin për këto raste e kishte bërë gjatë mbledhjes së Këshillit të Sigurisë kreu i opozitës, Lulzim Basha.
Qeveria e mohoi, por tashmë duket se virusi është përhapur më shumë se kaq.
Pas rastit të parë në Shkodër, sot u raportua se janë edhe dy raste të reja me koronavirus në fasoneritë e Shkodrës.
Hartës iu shtua edhe Laçi ditën e sotme. Burimet thonë se të dy rastet kanë lidhje me një fasoneri në Fushë Krujë.
Njëra është një grua nga Malbardhi dhe tjetra nga Adriatiku.
Mbyllja e fasonerive ka qenë një nga pikat e propozuara nga Basha në planin fillestar të PD për masat anti-COVID, sapo u konfirmua rasti i parë i infektuar, në 9 mars.
© SYRI.net