Rritet numri i të infektuarve në Kosovë, 10 pacientë në gjendje më të rëndë

Rritet numri i të infektuarve në Kosovë, 10 pacientë në gjendje më të rëndë

10:19, 14/04/2020
A+ Aa A-

Ministria e Shëndetësisë e Kosovës njoftoi se aktualisht në Klinikën Infektive të Qendrës Klinike Universitare të Kosovës janë të shtruar 54 pacientë të sëmurë me koronavirus – prej të cilëve 10 janë në gjendje më të rëndë shëndetësore dhe janë duke u trajtuar me oksigjenoterapi.

Në gjendje kritike, ndërkaq, janë tre pacientë: njëri është në oksigjenoterapi dhe përkujdesje intensive, ndërsa dy janë në ventilim mekanik, thuhet në njoftim.

Ministria e Shëndetësisë po ashtu tha se nuk ka asnjë rast të ri të infektimit të stafit të Klinikës Infektive.

Kosova ka aktualisht 377 persona të infektuar me koronavirus; 8 pacientë kanë vdekur, ndërsa 63 janë shëruar.

Të dielën, autoritetet shëndetësore kanë konfirmuar 79 raste të reja, çfarë ka qenë numri më i madh i rasteve brenda një dite.

Një ditë më vonë, Ministria e Shëndetësisë ka ndërmarrë masa të reja për kufizimin e lëvizjes së qytetarëve, të cilat do të hyjnë në fuqi nga e mërkura. REL

 

© SYRI.net

Lexo edhe:

Komentet

Shto koment

Denonco