Frenon Shkodra, harta zgjerohet në Tiranë, Elbasan, Korçë

Frenon Shkodra, harta zgjerohet në Tiranë, Elbasan, Korçë

10:46, 07/04/2020
A+ Aa A-

Shkodra ka frenuar numrin e rasteve me infeksion. Asnjë rast i ri nuk u regjistrua 24 orët e fundit. Harta e të prekurve nga COVID-19 zgjerohet në Tiranë, Elbasan, Korçë.

Në 24 orët e fundit janë testuar 182 persona të dyshuar, prej të cilëve janë konfirmuar 6 raste të reja me COVID-19. Deri në këto momente janë testuar 2753 raste të dyshuara dhe prej tyre janë të konfirmuar pozitivë me COVID-19, 383 raste.

"Siç shihet, sot kemi një ulje të ndjeshme të numrit të rasteve të prekurve nga COVID-19 që tregon se hetimi epidemiologjik dhe gjurmimi i rasteve të reja apo kontakteve të tyre ka funksionuar në mënyrën e duhur dhe është kryer sipas protokolleve të përcaktuara.

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Sic e tregojnë edhe shifrat e ditëve të fundit, ku ka raste brenda të njëjtës familje, është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.

Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40," tha Silva Bino e ISHP.

Shpërndarja gjeografike e rasteve pozitive, është si vijon:

- Tiranë 181 raste
- Durrës 38 raste
- Lushnje 5 raste
- Elbasan 11 raste
- Fier 26 raste
- Kavajë 8 raste
- Rrogozhinë 4 raste
- Korçë 17 raste
- Vlorë 5 raste
- Shkodër 44 raste
- Lezhë 14 raste
- Berat 2 raste
- Has 12 raste
- Krujë 5 raste
-Tropojë 4 raste
- Pukë 4 raste
- Mirditë 3 raste

© SYRI.net

Lexo edhe:

Komentet

Shto koment

Denonco