Një aksident i rëndë sapo është regjistruar në Fier, në vendin e quajtur ura e Hoxhares.

Sipas asaj që mëson Syri.net, si pasojë e përplasjes kanë mbetur të plagosur dy të rinj, 25 dhe 26 vjeç.

Informacionet paraprake flasin për një përplasje të ashpër mes dy motorësh, ndërsa të plagosurit janë dërguar me urgjencë në spital.

Si pasojë e dëmtimeve të marra ata janë duke iu nënshtruar një ndërhyrjeje kirurgjikale.

Ende nuk ka njoftim zyrtar nga Policia e Fierit për aksidentin në fjalë.