Arrestohet lezhjani/ Theu karantinën, u shtir si pjesëtar i 'Europolice'

Arrestohet lezhjani/ Theu karantinën, u shtir si pjesëtar i 'Europolice'

16:40, 04/04/2020

Një 42-vjeçar nga Lezha është arrestuar nga Policia pasi theu karantinën dhe falsifikoi dokumentet për të lëvizur jashtë fashës së orarit të lejuar duke u hequr si polic.

Arrestimi i 42-vjeçarit me iniciale Z.Gj., u bë pasi, në vendin e quajtur Shtoj i Ri, Shkodër, duke drejtuar mjetin tip Audi, u ndalua nga shërbimet e Policisë për kontroll të autorizimit për lëvizje. Ky shtetas u ka paraqitur punonjësve të Policisë një dokument dhe distinktiv të “Europolice”.

Nga verifikimet paraprake me Europolin rezulton se këto dokumente janë të falsifikuara.
Gjithashtu, është ndëshkuar me masë administrative, për moszbatim të Aktit Normativ Nr. 3, datë 15.03.2020 “Për masat ndaj COVID-19”, pasi ka thyer rregullin e vetëkarantinimit, edhe pasagjeri që udhëtonte me shtetasin e arrestuar në flagrancë.

Pasagjeri u ndëshkua me gjobë 10 000 lekë, për thyerje të rregullit të ndalimit të lëvizjes për këmbësorë pas orës 13:00, pa ndonjë arsye.

 

 

© SYRI.net

Lexo edhe:

Komentet

Shto koment

Denonco