Policia: Leje daljeje vetëm njerit në familje, sipas Regjistrit të Gjendjes Civile

Policia: Leje daljeje vetëm njerit në familje, sipas Regjistrit të Gjendjes Civile

08:29, 30/03/2020
A+ Aa A-

Si do të lëvizin këmbësorët në zonat urbane, nga data 30 mars? Policia sqaron në detaje:

Nga data 30 mars 2020 e në vijim, në e-Albania do të ofrohet shërbimi online “Leje për dalje” nga shtëpia. Kjo leje vlen vetëm për fashën orare 05:00-13:00, për të bërë pazar apo blerë ilaçe.

“Leja për dalje” është vetëm 1 orë në ditë dhe miratohet vetëm për 1 pjesëtar të familjes, në atë ditë. Sistemi ndërvepron me Regjistrin Kombëtar të Gjendjes Civile, ku verifikohet përkatësia familjare e aplikantit dhe mesazhi miratues që mbërrin në telefonin e qytetarit është konfirmim për strukturat e Policisë.

Policia e Shtetit rikujton se "Leja për dalje" do t'i refuzohet çdo pensionisti, si një nga grupmoshat më të rrezikuara për t’u prekur nga COVID-19.

Për rastet e fatkeqsive, emergjencave, urgjencave apo sëmundjeve që kërkojnë trajtim mjekësor në institucionet e shëndetësisë, qytetari duhet të telefonojë në numrin 112 apo 129 dhe të presë konfirmimin për lëvizjen.

Gjithashtu, sqarojmë se në orarin 05:00 deri 13:00, nuk do lejohet asnjë qytetar të dalë nga banesa, përveç kësaj kategorie që do pajiset me autorizim, si dhe atyre që janë në punë dhe kanë autorizime të mëparshme.

Asnjë qytetar tjetër nuk do lejohet të dalë për arsye të tjera, si shëtitje, qëndrime në parqe e lulishte, sport apo lëvizje pa asnjë aryse.

Në zbatim të këtyre masave kufizuese, Policia e Shtetit apelon për familjarët që duan të bëjnë pazar apo të blejnë ilaçe që të aplikojnë në e-Albania apo në numrin falas 55155, pasi patrullat policore, nëse konstatojnë këmbësorë me mungesë të email-it apo mesazhit konfirmues nga e-Albania, do të aplikojnë gjobat ndaj shkelësve.

© SYRI.net

Lexo edhe:

Komentet

Vaso.30/03/2020 09:37

O Basha ! Tallja e Rames me kete popull.ka arritur.kulmin.Per te blere gjerat me te domosdoshme duhet te marrim.leje tek ai .E kupton qe ai po tall menderet me ne.Ky eshte kulmi. Sic duket Ramen e kane mesuar qe: q- nenen ketij populli qe te thote baba..O Basha mos bej sehir .Durimi ka kufi. Nuk ka ne bote rregulla si keto te ervinit.

Shto koment

Denonco