Është rritur edhe gjatë ditës së sotme numri i të prekurve nga koronavirusi në Shqipëri. Harta është shtuar me Tropojën dhe të prekur janë edhe katër fëmijë në rang vendi.
Ministria e Shëndetësisë konfirmon se gjatë 24 orëvë të fundit janë konstatuar 28 raste të reja duke e çuar numrin total të të prekurve nga koronavirusi në 174.
Zonat më të prekura deri më tani janë Tirana, Fieri dhe Durrësi, ndërsa gjatë dy ditëve të fundit hartës i është shtuar Kruja, Berati, Lezha dhe Hasi. Shqetësuese është Tirana, ku numri i të prekurve ka kaluar 100, duke shkuar tashmë në 102 raste.
“Nga të prekurit, rezultojnë 4 raste pozitive të moshës pediatrike, kontakte të rasteve pozitive, janë pa shenja klinike dhe në gjendje të mirë shëndetësore”, tha mjekja e ISHP, Eugena Tomini.
Në shërbimin infektiv aktualisht janë 73 të shtruar dhe prej tyre 3 raste janë në terapi intensive dhe 2 janë të intubuar.
Shpërndarja gjeografike e rasteve pozitive, është si vijon:
- Tiranë 102 raste
- Durrës 10 raste
- Lushnje 4 raste
- Elbasan 5 raste
- Rrogozhine 2 raste
- Fier 18 raste
- Kavaje 4 raste
- Korcë 11 raste
- Vlore 5 raste
- Shkodër 3 raste
- Lezhë 4 rast
- Berat 1 rast
- Has 2 raste
- Krujë 1 rast
-Tropojë 2 raste
© SYRI.net