Një ngjarje komike por që mund të merrte edhe përmasa tragjike ka ndodhur mbrëmjen e sotme në Gjirokastër.
Një 33 vjeçar në tentativë për t'i shpëtuar policisë është rrëzuar në përrua.
Ngjarja ka ndodhur ndërsa ndiqej nga policia pasi qarkullonte gjatë orës së ndalimqarkullimit.
Sikundër mësohet, incidenti ka ndodhur rreth 1 orë më parë në lagjen Zinxhira të Gjirokastrës. Aktualisht personi ndodhet në spital me dëmtime të lehta në kokë dhe po i nënshtrohet ekzaminimeve.