Koronavirusi nuk ka kursyer as bluzat e bardha në Shqipëri. Pas Sanatoriumit, dyshohet se edhe një mjeke e Spitalit Infektiv është infektuar.
Akoma nuk dihet gjendja e saj shëndetësore, por më shumë të dhëna do të japë Ministria e Shëndetësisë në daljen e saj të përditshme për mediat, ku përditëson të dhënat e të prekurve.
Po ashtu në Spitalin Infektiv pjesëtarë të stafit mjekësor dyshohet se kanë shenjat e para të COVID-19.
Kujtojmë që të martën u konfirmua pozitiv me COVID-19 edhe kreu i Urgjencës Kombëtare, Skënder Brataj. Lajmin e dha ministrja e Shëndetësisë, Ogerta Manastirliu.
Gjendja shëndetësore e Bratajt është e stabilizuar dhe ai ndodhet i karantinuar në shtëpi.
© SYRI.net