Koronavirusi/ Lirohen përkohësisht 600 të burgosur

Koronavirusi/ Lirohen përkohësisht 600 të burgosur

12:26, 24/03/2020
A+ Aa A-

Ministrja e Drejtësisë, Etlida Gjonaj, ka bërë të ditur se do të lirohen përkohësisht 600 të burgosur, si masë për t’i mbrojtur ata nga koronavirusi. 

Gjonaj ka sqaruar aktin normativ të firmosur për të burgosurit që do të lirohen, për tre muaj për shkak të koronavirsuit.

Ajo tha se tashmë pritet të lënë qelinë rreth 600 të burgosur, ndërsa për të siguruar shëndetin e tyre janë ndaluar takimet me familjarët dhe janë zëvendësuar me komunikimet online.

Më tej ministrja e Drejtësisë u shpreh se edhe nëse në burgje do ketë ndonjë rast të konfirmimit të koronavirusit, është krijuar infrastruktura mjekësore në spitalet e burgjeve për trajtimin e tyre.

“Të hënën, qeveria mori një masë shumë të rëndësishme. Miratuam aktin normativ për lirimin e përkohshëm të të dënuarve me rrezikshmëri të ulët. Të gjithë ata të dënuar me vendim të formës së prerë dhe u ka mbetur edhe 3 vite burgim, dhe të gjithë ata që u ka mbetur më pak se 5 vjet burgim dhe që janë mbi 60 vjeç, do të vendosen 3 muaj në karantinë në shtëpitë e tyre. Ata përfitojnë vetëm nëse nuk janë dënuar për vepra të rëndë kriminale. Gjithashtu, këta të burgosur duhet të kenë edhe një sjellje të mirë në burg. Të gjithë të dënuarit që përfitojnë nga ky akt, duhet t’i nënshtrohen rregullave strikte për të qëndruar në të njëjtën banesë gjatë qëndrimit në karantinë. Nga ky akt normativ do të lënë përkohësisht burgun 600 të dënuar”, tha ministrja e Drejtësisë.

Deri tani, tha Gjonaj, nuk ka asnjë rast të evidentuar me koronavirus te të burgosurit. “Të gjithë ata që vuajnë dënimin në sistemin tonë të burgjeve kanë vëmendjen tonë dhe kemi marrë edhe për ta të gjitha masat. Kemi shtuar shërbimet shëndetësore, duke rritur kujdesin mjekësor”.

“Të gjithë të dënuarit që përfitojnë daljen duhet t'i nënshtrohen rregullave ligjore strikte, duke deklaruar nëpërmjet një deklaratë se familjarët e tyre duan që të qëndrojne në të njëjtën banesë. Parashikohet të lënë burgun rreth 600 të dënuar”, u shpreh Gjonaj.

© SYRI.net

Lexo edhe:

Komentet

Shto koment

Denonco