Policia dhe prokuroria, pretendojnë se biznesmeni dhe botuesi Henri Çili, do të ndërhynte në Gjykatën e Lartë për të ndikuar në lirimin apo uljen e dënimit me burgim të përjetshëm të Arbion Alikos.

Për këtë ndërhyrje, thuhet në dosjen e përgatitur ndaj Çilit, ai ka marrë paradhënie edhe para dhe prona të paluajtshme. Por kush është gjyqtari i Gjykatës së Lartë, që do të trajtojë çështjen Aliko?!

Rekursi në Gjykatën e Lartë për dënimin me burgim të përjetshëm të Arbion Alikos është regjistruar më datë 9.10.2019.

Relator i kësaj çështje është zgjedhur, Ardian Dvorani, i vetmi gjyqtar, pasi Gjykata e Lartë nuk është funksionale.

Dvorani aktualisht është kryetar i Këshillit të Emërimeve në Drejtësi. Të pandehur në këtë çështje janë Arbjon Aliko, vëllai i tij Alban Aliko, Bajram Boci, Elvis Boci, Elson Kasma, Xhulio Malo, Klodian Selimi, Oltian Rroko, Dervish Gaba, Ruhan Hiraj, Iljaz Xhaferaj.