Gjykata e Tiranës ka lënë në burg sot 55 nga 87 të arrestuarit në kuadër të operacionit 'Fati i Lojërave'.
Të ndaluarit dolën sot para gjykatës për tu njohur me masën e sigurisë.
27 nga të ndaluarit janë lënë në arrest shtëpie ndërsa 5 të tjerë në detyrim paraqitje.
Seanca nisi në orën 09:00 të mëngjesit të sotëm dhe ka përfunduar vetëm në orët e vona të mbrëmjes.
Midis 55 personave u lanë në burg është edhe Gramoz Murataj, apo i njohur ndryshe si bosi i basteve. Po kështu Gjykata la në burg dhe Elvis Mulajn, vëllai i shefes së Komisionit të Posaçëm të Apelimit, Natasha Mulajt.
Ditën e djeshme dolën para gjykatës 30 nga 115 të arrestuarit në kuadër të operacionit "Fati i Lojërave", nga të cilët 8 persona u lanë nën masën 'detyrim paraqitje', 16 në burg, dhe 5 të tjerë në 'arrest shtëpie' ndërsa 3 të tjerë janë në kërkim.
© SYRI.net