Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

EMRI/ Anëtar i bandës së ‘Audi-t gri’, ja ku u arrestua shqiptari i rrezikshëm

EMRI/ Anëtar i bandës së ‘Audi-t gri’, ja ku u arrestua shqiptari i rrezikshëm

12:49, 19/02/2020
A+ Aa A-

Policia e Maqedonisë së Veriut ka arrestuar një shqiptar të kërkuar nga autoritetet italiane, anëtar i të famshmes ‘banda e Audit gri’ që terrorizoi me grabitje qytetet italiane dy vjet më parë.

Jetmir Vesi, 38 vjeç, i cili dy vjet më parë arriti t’u shpëtonte prangave duke tentuar të shtypte me makinë policët, është arrestuar dhe gjendet në pritje të ekstradimit në Itali. tashmë dhe  është

Natën e 21 marsit 2018, policia italiane e rrethoi bandën me katër anëtarë në një banesë në Villa Literno, që përdorej si qendër operative e tyre. Policët hynë brenda oborrit të banesës dhe mbyllën kangjellat, ndërkohë që në Audi qëndroi vetëm drejtuesi i mjetit, ndërsa tre të tjerët dolën jashtë.

Drejtuesi ndërkohë ndezi makinën dhe, pasi tre të tjerët hipën sërish, eci prapa duke tentuar të godiste policët e të rrëzonte portën. Policët arritën t’i shpëtonin përplasjes falë reflekseve të shpejta dhe hapën zjarr në drejtim të Audit, duke bërë që të ndalonte.

Të katër personat dolën jashtë, por jo me synimin për t’u dorëzuar, duke ia mbathur nga vendngjarja. Sidoqoftë, tre prej tyre u kapën nga policët: Roland Çami, Qerim Çami dhe Eduart Vesi, vëllai i Jetmir Vesit, me shumë precedentë penalë, i regjistruar edhe me dhjetë emra të tjerë, i cili arriti të shpëtonte.

Arratia e tij zgjati pothuajse dy vjet, pasi u ndalua më 17 shkurt në Maqedoni, ku u tregoi autoriteteve të pikës së kufirit një pasaportë me emrin Jetmir Korra.

Tashmë shqiptari i shumëkërkuar është në pritje të ekstradimit në Itali, për t’u ribashkuar me bandën, këtë herë pas hekurave.

    © SYRI.net

    Lexo edhe:

    Komentet

    Shto koment

    Denonco