Një shqiptar 31-vjeçar i arratisur nga burgu në Greqi u arrestua për grabitje në Heraklion të premten pasdite, njoftoi Eleftheros Typos. Sipas Policisë së Athinës, 31-vjeçari kreu grabitje me armë në zona të ndryshme të Atikës që nga fillimi i këtij janari.
Në një rast, ai hyri në hotel si klient dhe aty goditi me thikë punonjësit duke i kërcënuar edhe me pistoletë dhe pastaj mori paratë nga arka dhe kasaforta.
Policia kontrolloi bazën ku qëndronte ai dhe dyshon se është autori i nëntë grabitjeve të tjera, që janë duke u hetuar.
Edhe në të kaluarën ai ishte arrestuar për grabitje me armë, për rrezik jete të njerëzve. Për to ishte dënuar me 15 vjet burg, por në 3 dhjetor 2019 ishte arratisur dhe prej atëherë ka qenë person në kërkim.
© SYRI.net