Policia ka gjetur në një kodër në Shijak, një plastmas të gjakosur, për të cilin ka dyshime të forta se është pikërisht ai me të cilin vrasësit kanë mbledhur trupin e  Jan Prengës.

Pranë plastmasit është gjetur edhe një litar plastik, që është përdorur për të lidhur. Menjëherë ai është marrë dhe është dërguar në Laboratorin e Policisë Gjyqësore, për të kontrolluar njollat e gjakut se kujt i përkasin.

FNSH-ja i ka ndërprerë kontrollet për gjetjen e kufomës në zonën rreth Shijakut, ku mendohet se është fshehur kufoma e Prengës, por Policia vendore i ka vazhduar kërkimet për gjetjen e trupit.

Jan Prenga u rrëmbye më 17 janar 20202 në Kamëz me një furgon dhe më pas u mësua se ai ishte marrë peng nga anëtarë të familjes Hajri në Shijak dhe Doçaj në Shkodër në kuadrin e një afere droge midis grupeve kriminale jashtë vendit.