‘Altin Hajri hyri në Shqipëri, 20 ditë para pengmarrjes’/ Ja pse policia nuk ndërhyri të shpëtonte pengun në resort

‘Altin Hajri hyri në Shqipëri, 20 ditë para pengmarrjes’/ Ja pse policia nuk ndërhyri të shpëtonte pengun në resort

23:01, 12/02/2020
A+ Aa A-

Sot në emisionin Opinion është folur rreth fakteve të reja që kanë dalë lidhur me pengmarrjen dhe më pas vrasjen e Jan Prengës në Kamëz më 17 janar.

Gazetarja Klodiana Lala ka sqaruar dinamikën e ngjarjes bazuar në fotot e publikuara. Ajo tha se filmimi i plotë zgjat 27 minuta.

Në një nga pamjet ajo shquan Altin Hajrin, i cili siç tha Lala “nuk ka marrë pjesë në pengmarrje”. Ajo shtoi se ai rezulton se “para dy vitesh kishte bërë burg në Holandë për trafik droge” dhe “20 ditë para ngjarjes kishte hyrë në Shqipëri.”

“Pengu ka hyrë i pajetë në resort rreth orës 12:30. Ai është nxjerrë nga automjeti Range Rover dhe më pas është transportuar në një furgon brenda garazhdid të kompleksit “Golden”. Range Roveri është nxjerrë më pas edhe është djegur. Furgoni me trupin e Prengës ka dalë rreth orës 20:30 të darkës dhe më pas është kthyer në resort. Trupi dyshohet se është groposur në rrethinat e Shijakut. Personat në garazhd kanë ndërruar rrobat e tyre dhe i kanë djegur në një kazan jashtë garazhdid.”, sqaroi Klodiana Lala.

Ajo zbuloi gjithashtu se policia si fillim nuk kishte ndërhyrë në resort nga frika se mos pengut i rrezikohej jeta.

“Në momentin që pengu ka hyrë në resort policia ka hezituar të ndërhyjë për shkak se ka patur frikë për jetën e tij. Në momentin që policia konfirmoi se pengu ka humbur jetën atëherë ka ndërhyrë”, tha Lala.

Në 31 Janar, gjykata la në burg 5 të arrestuarit për rrëmbimin dhe më pas zhdukjen e trupit të 49-vjeçarit Jan Prenga. Bajram Hajri, Leonard Hajri, Elton Hajrin dhe Olsi Turja akuzohen për mbajtje peng të personit dhe armëmbajtje pa leje. Ndërsa Festim Bexhdili, që u arrestua në Kavajë, akuzohet edhe për fshehje dhe asgjësim të trupit të viktimës. Identifikimi i tyre u bë falë pamjeve të një kamere sigurie në bodrumin e kompleksit Golden në Shijak. /Opinion.al

 

© SYRI.net

Lexo edhe:

Komentet

Shto koment

Denonco