Një ngjarje e çuditshme ka ndodhur në Greqi me protagoniste një 42-vjeçare, e cila i vodhi një shumë prej 10 mijë eurosh një shtetaseje greke, por më pas qe penduar.

Ngjarja ka ndodhur ditën e enjte në qytetin e Volosit, ku gruaja shqiptare dukek përfituar nga miqësia me greken shkoi në shtëpinë e 60 vjeçares dhe duke qenë se ajo nuk ndodhej në banesë, i mori prej aty 10 mijë euro.

Pas kësaj, shqiptarja 42-vjeçare përfundoi në komisariat, ku nuk pranoi se i kishte vjedhur paratë.

Për çudi, sot në mëngjes, viktima e grabitjes, 60-vjeçarja greke, tha se se 42-vjeçarja i kishte shkuar në shtëpi dhe ia  kishte dorëzuar të gjitha paratë.

Vjedhja qe kuptuar nga viktima, natën e së premtes dhe qe denoncuar gojarisht në Drejtorinë e Policisë  së Volosit, raporton gazetari i Fax News në Greqi, Shpetim Zinxhiria.