Vrasja e Kastriot Reçit më 7 janar të këtij viti në qytetin e vogël të Rrëshenit është raportuar në Këshillin e Europës si kërcënim ndaj lirisë së medias. Sipas Exit.al, raportimin e ka bërë Qendra Europiane për Lirinë e Shtypit dhe Medias.
Reçi, pronar i Media Plus TV në Rrëshen u ekzekutua me një snajper jashtë pronës së tij, në mes të ditës. Në raportin e depozituar në KiE thtoë se po atë ditë policia doli me një deklaratë, ku njoftohet vdekja e tij në rrethana të paqarta.
Por aty nuk përmendet që ai është pronar i një mediaje lokale.
Qendra Europiane për Lirinë e Shtypit dhe Medias thotë se nisur nga klima aktuale e lirisë së medias në vend, ky fakt nuk duhej injoruar. Ata bëjnë thirrje për një hetim të plotë, të shpejtë dhe të pavaarur të ngjarjes, duke i vendosur autorët përpara përgjegjësisë.
Ngjarja e rëndë tronditi opinionin publik në Shqipëri.
© SYRI.net