Syri.net zbulon detaje të reja mbi të shkuarën e viktimës së atentatit të sotëm në Tiranë.
Burime nga Policia thanë për Syri.net se, 28-vjeçari Vilson Tafçiu kishte vetëm dy muaj që ishte kthyer në Shqipëri.
Viktima ka qenë i shoqëruar në një lokal në rrugën Teodor Keko, kur është thirrur nga autorët për të dalë jashtë, ku dhe është qëlluar për vdekje nga persona, identiteti i të cilëve nuk dihet.
Mësohet se viktima ka ikur nga Shqipëria më 7 mars të 2018 në drejtim të Francës, ndërsa në 12 mars 2018 është arrestuar për shpërndarje të lëndëve narkotike ku është dënuar me një vit.
Ka bërë 8 muaj paraburgim dhe më 6 nëntor 2018 është deportuar nga Franca në Shqipëri.
28-vjeçari i vrarë mbrëmjen e sotme në zonën e Astirit ishte me origjinë nga Dibra, ndërkohë policia ka shoqëruar disa persona në komisariat, të cilët mund të kenë dijeni për ngjarjen. /Syri.net
© SYRI.net