Drogë dhe përdhunim/ Dosja që vazhdon të trondisë opinionin

Drogë dhe përdhunim/ Dosja që vazhdon të trondisë opinionin

09:13, 14/01/2020

Vrasja e Drita Saliajt shkaktoi mjaft zemërim në opinionin publik. Por detajet e dosjes kanë shtuar akoma më shumë tronditjen. 51-vjeçarja nga Mallakastra jo vetëm ishte vrarë, por edhe përdhunuar.

DOSJA

Në daten 04.01.2020, rreth orës 22:30, e ka telefonuar Luis Saliaj, e i ka thene që të shkonte ne Gjerbes ta takonte pasi ashtu e kishte punën. Në keto rrethana është nisur me makinën e tij e ka shkuar tek Luisi, ku janë takuar në afërsi të banesës së këtij të fundit.

Në bisedë e sipër i ka thënë të linte aty makinen e tij e të merrte atë të Ervis Zotaj, pasi do të shkonin të merrnin hashash tek shtëpia e Drita Saliajt. Pas kësaj kanë shkuar tek banesa e kësaj të fundit, ku sipas tij, Luisi i ka thënë që të mos hynte brenda pasi kishte pak punë.

Ka pritur jashtë ndërkohë që Ervin Zotaj e Luis Saliaj kanë qenë brenda duke pirë kafe me shtetasen Drita Saliaj. Pas rreth 20 minutash e ka thirrur Luisi, e është futur brenda, ku Drita i ka dhënë një gotë raki.

Gjatë kohës që po pinte gotën e rakisë Luisi, është ngritur me pretendimin se do shkonte në tualet, por në të vërtetë është futur në dhomën tjeter, e ka dalë prej andej me një pako hashash.

Këtë të fundit e ka lënë tek pragu i derës e është futur përsëri në kuzhinë. Pas kesaj Luisi ka kërkuar që hashashin ta blinte me 50 Euro, ndërsa Drita thoshte me 200 Euro. Ndërkohe Luisi i ka thënë që të dilte jashtë e ta priste tek makina.

Kur ka dalë jashtë, ka dëgjuar të bërtiturat e Dritës. Është afruar tek dritarja dhe ka parë që Ervisi i ka hequr me dhunë pantallonat Dritës e pas kësaj ka kryer marrëdhënie seksuale me të.

Ndërkohë që Ervisi kryente marrëdhënie seksuale, Luisi ka dalë jashtë ku ka gjetur dy litarë, me të cilët e kanë lidhur Dritën. Pas kësaj Ervisi dhe Luisi i kanë futur në gojë një shall dhe e kanë nxjerrë jashtë duke e mbajtur në krahë dhe e kanë çuar tek makina e Ervisit.

Makinën e ka drejtuar ai, e Ervisi ka qëndruar me Dritën në sediljen e pasme, ndërsa Luisi në sediljen e parë të pasagjerit.Pasi janë nisur, Luisi i ka thënë të ecte shpejt në drejtim të rezervuarit.

Rreth orës 03:00, të datës 05.01.2020, kanë mbërritur tek rezervuari, ku Luisi dhe Ervisi e kanë zbritur nga makina dhe e kanë hedhur menjëherë në ujë. Pas kësaj janë kthyer në Gjerbes ku ka marrë makinën e tij dhe është larguar për në banesën e vet, ndërsa Ervisi e Luisi kanë shkuar përsëri tek banesa e Drita Saliaj.

© SYRI.net

Lexo edhe:

Komentet

Joti14/01/2020 10:55

Rilindja solli me vehte lindjen e krimit,dhe po edukon nje brez kriminelesh,gjithashtu solli vdekjen e demokracise ,ndershmerise dhe padrejtesise! O Zot ku po jetojme....!

Shto koment

Denonco