Partia Demokratike ka publikuar një video të realitetit të dhimbshëm të një familje shqiptare në Mamuras të cilët përballen me pasojat e termetit por janë të braktisur krejtësisht edhe nga pushteti lokal dhe nga ai qëndor.

Familja e Lindita Bashës në Fushë Mamurras , si shumë familje të prekura nga tërmeti në Durrës, Laç, Lezhë, Manzë, Ishëm është braktisur nga qeveria.

Çadra prej plasmasi ku familja e saj jeton, rrëzon propagandën dhe mashtrimin me 5 yje të Edi Ramës. Shteti është inekzistent për familjet si e Lindita Bashës.

3 javë pas tërmetit, edhe pse faza e emergjencës ka kaluar, askush nuk ka shkuar të vlerësojë dëmet e banesës së saj, e cila, pas tërmetit, është shndërruar në një rrezik për jetën e familjes së Lindita Bashës.

Dëshmia e një nëne të vuajtur dhe të braktisur nga qeveria,  është pasqyra më e pastër e dështimit të Edi Ramës në menaxhimin e krizës pas tërmetit.