Grabiti pasagjerët e furgonit në Tropojë e vrau policin, ja kush eshte i ekstraduari nga Kroacia

Grabiti pasagjerët e furgonit në Tropojë e vrau policin, ja kush eshte i ekstraduari nga Kroacia

09:47, 15/12/2019
A+ Aa A-

Dy persona të shpallur në kërkim ndërkombëtar janë ekstraduar nga Interpoli drejt Tiranës. Nga Zagrebi i Kroacisë u ekstradua shtetasi Joland Bushati, 35 vjeç, banues në Lekbibaj të Tropojës.

Ky shtetas ishte i shpallur në kërkim, pasi Gjykata e Shkallës së Parë Shkodër ka vendosur revokimin e vendimit të Gjykatës së Shkallës së Parë Tropojë, për lirimin para kohe me kusht dhe vazhdimin e vuajtjes së dënimit për pjesën e mbetur për 3 vite e 8 muaj e 24 ditë burg.

Vendimi ka marrë formën e prerë më datë 04.01.2019, për veprën penale ”Vjedhje me pasojë vdekjen” e kryer në bashkëpunim dhe “Prodhim e mbajtje pa leje të armëve e municioneve luftarake”.

Ky shtetas në bashkëpunim me shtetasin A. P., ka grabitur me armë pasagjerët e linjës “Bajram Curri-Lekbibaj” duke qëlluar për vdekje shtetasin N. Gj., me detyrë punonjës policie.

Po nga Interpol Tirana u krye ekstradimi nga Roma, i shtetasit shqiptar Vladi Sinani alias Vladimir Sinani, 29 vjeç, lindur në Bulqizë.

Ky shtetas ishte i shpallur në kërkim ndërkombëtar, pasi Gjykata e Rrethit Gjyqësor Dibër, e ka dënuar me 4 vjet e 8 muaj burg, për veprën penale “Prodhim dhe shitje e lëndëve narkotike”.

Si rezultat i bashkëpunimit të Interpol Tirana me Interpol Roma, u bë i mundur arrestimi i tij në Itali, duke u finalizuar me ekstradimin drejt vendit tonë.

 

© SYRI.net

Lexo edhe:

Komentet

Shto koment

Denonco