“Ne shpresonim t’i gjenim të gjallë, shpresojmë kështu gjithmonë dhe në çdo situatë dhe nuk mendojmë kurrë ndryshe. Por këtë radhe nuk ndodhi kështu. I gjetëm të vdekur, nënën me tre fëmijë, të gjithë të përqafuar’.
Kështu e nis rrëfimin e tmerrshëm kreu i grupit të ekipit italian të shpëtimit, Nicola Ciannelli. Ata punuan për nxjerrjen e njerëzve nën rrënoja pas termetit në Durrës.
Bëhet fjalë për anëtarët e familjes Lala, kur forcat e shpëtimit gjetën nën rrënoja të vdekur nënën me tre fëmijet e saj të përqafuar, binjakët dhe fëmijën tjetër ngjitur.
Eshtë gruaja e Berti Lalës, që mbijetoi nga termeti, por humbi të gjithë familjen.
"Ishte një moment i tmerrshem për të gjithë ne, jemi prindër dhe kur e gjen veten para fëmijëve në këtë situatë, të duhet guxim jashtë mase i madh që të mund të vazhdosh me tej. Ju duhet një guxim i madh për të vazhduar më tej", thotë ai.
Sipas rrëfimit, nëna mbante në krahë përfaqur dy binjakët, gati dyvjeçarë dhe motrën e tyre 7-vjeçare.
"Kurrë ne nuk e mendojmë këtë gjë, kur ndodh, i dorëzohemi realitetit", thote kreu i ekipit italian të shpëtimit.
I vetmi i mbijetuar është një 17-vjeçar që shpëtoi nga një lavatriçe dhe u nxor me pas nga rrënojat.
© SYRI.net