Një person ka humbur jetë si pasojë e një aksidenti, të regjistruar pasditen e sotme në autostradën Milot-Rrëshen.
Sipas asaj që mëson Syri.net, automjeti i drejtuar nga shtetasi Armand Ndreca ka përplasur këmbësorin e identifikuar si Mentor Farruku, 56 vjeç, nga Dibra.
56-vjeçari u transportua me urgjencë drejt Spitalit të Traumës në Tiranë, por humbi jetën gjatë rrugës.
Çfarë thotë policia në informacionin e saj paraprak:
Rreth orës 16:45 , në autostradën Milot- Rreshen, tek "Rrethrrotullimi i Milotit", automjeti tip "Benz" me drejtues shtetasin A.N., banues në Mirditë, ka përplasur një këmbësor. Si pasojë e përplasjes, këmbësori ende i pa identifikuar ka marrë demtime dhe është transportuar në spitalin e Traumës Tiranë.
Drejtuesi i automjetit shtetasi A.N. është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes si dhe identifikimin e shtetasit të aksidentuar.
© SYRI.net