Dy shqiptarë 28 vjeçarë janë arrestuar nga policia italiane pasi iu gjetën me vete gjysëm kilogrami kokainë si edhe 50 mijë euro.

Shqiptarët janë të dy banues në qytetin e Komos.

Hetimi ndaj tyre nisi shkurtin e kaluar, pasi të dyshuarit u pikasën duke shkëmbyer drogë me njëri tjetrin.

Shqiptarët e kishin shtrirë aktivitetin jo vetëm në Komo por edhe në disa zona të Zvicrës.

“Hetimet-kanë nxjerrë në dritë ekzistencën e një trafiku të madh të lëndëve narkotike, veçanërisht kokainës , e cila, nga një nivel i parë operacional i konstatuar në territorin e Campione dhe Zvicrës, çoi në një nivel i dytë dhe më i qëndrueshëm i trafikimit nga dy shqiptarët e arrestuar, të konsideruar, duke pasur parasysh sasinë e madhe të substancave të trajtuara, profesionistë të vërtetë “, tha policia.