20 shtetasve shqiptarë u është refuzuar hyrja nga pala greke në kufi për në shtetin grek, ndërsa dy persona janë kthyer nga pala shqiptare.

Kjo valë masive kthimesh ka ndodhur në 24 orët e fundit në pikën e kalimit kufitar të Kakavijës.

Shkak për këtë është bërë se pjesa më e madhe e tyre nuk kanë pasur para si garanci me vete, ndërsa një pjesë tjetër kanë kaluar kohën prej 6 muajsh në vendet e Shengenit.

Tashmë është periudha, kur një numër shumë i madh shqiptarësh zgjedhin punësimin sezonal në Greqi, pavarësisht se puna e tyre kryhet në të zezë.